Жаңалықтар

Жылу желілерін жаңғырту еліміздегі ең өзекті мәселелердің біріне айналып отыр. Әсіресе, соңғы жылдары орын алған төтенше жағдайлар аталған мәселенің тезірек қолға алынуын жеделдете түсті. Бұған байланысты Мемлекет басшысы Қасым-Жомарт Тоқаев та нақты тапсырмалар жүктеген болатын.
Осыған орай шаһарда «Тараз қаласы Сыпатай батыр, Төле би, Тұрысов көшелерінің бойындағы М-1 жылу магистралін қайта жаңғырту» жобасы әзірленіп, мемлекеттік сараптаманың оң қорытындысы алынды. Жылу желісінің жалпы ұзындығы 6 138 метрді құрайды.
М-1 жылу магистралі 1990 жылдан бастап 34 жыл бойы қызмет көрсетуде. Жалпы жылу желілерін пайдаланудың нормативтік ресурсында пайдалану мерзімі 25 жыл екенін ескерсек, магистральдің күрделі жөндеуді қаншалықты қажет ететіні айтпаса да белгілі.
Жамбыл облысы әкімдігі мемлекеттік сатып алу басқармасы тарапынан конкурс жарияланып, жеңімпаз деп танылған бас мердігер – «Сарыағаш – Аман» ЖШС, техникалық қадағалаушысы – «АДС Сапа» ЖШС және авторлық қадағалаушы «Институт «КазНИПИЭнергопром» АҚ-мен келісімшарттар жасалды. Құрылыс жұмыстары 2024 жылға жоспарланған, ұзақтығы 9,5 ай.
Қазіргі таңда мердігер «Сарыағаш – Аман» ЖШС тарапынан «Ауыл-Береке» базарына жақын аумақтан қойма жалға алынған. Қоймаға шамамен 1600 метр тік және бұру құбырлары, бекіту арматуралары құрылыс аумағын қоршауға арналған қоршаулар, т.б. қажетті құрылыс материалдары мен құрал-жабдықтар жеткізілген.
Алда сәтін салса, М-1 жылу желісінің мәселесі көп ұзамай шешімін табады.тұрғындардың келісімімен шарттар жасасуды және үйлерге техникалық қызмет көрсету бойынша қызметтерді бір жылға бөліп-бөліп төлеуді жоспарлап отыр. Сонда халықтың менталитеті өзгеруі мүмкін, өйткені жылыту мен ыстық су үшін ақы ішкі жылыту жүйесіне қызмет көрсетуді және оларды жұмыс жағдайында ұстауды қамтымайды.