ТаразТрансЭнерго
Жаңалықтар
Тараздықтар жылу есептегіш құралдарымен қамтылады

Таразтрансэнерго, taraztransenergo, таразтрансэнерго, тараз, гкп на пхв, ГКП на ПХВ, ГКП на ПХВ Таразтрансэнерго
Биыл Таразда қаржылық лизинг шартына сәйкес, 435 жалпы үйлік есептеуіш аспаптарын орнату қарастырылған.
Алайда, қазіргі уақытта бар жоғы 229 жалпы үйлік есептеуіш аспаптары орнатылыпты. Бұл олқылық орындаушы тарап өз міндеттемелерін толық көлемде орындамағаннан болған. Бұл туралы бүгін ӨКҚ ақпарат алаңында облыстық энергетика және тұрғын үй-коммуналдық шаруашылық басқармасы басшысының орынбасары Руслан Мұздыбеков айтты.

Сонымен қатар, брифингке «Тараз Транс Энерго» мемлекеттік коммуналдық кәсіпорын директоры Князь Туртаева да қатысты. Айтуларынша, шарт бойынша есептеуіш құралдарын сататын «Казпромэлектросервис» серіктестігі. Олар аспаптарды орнатқаннан кейін бастапқы тексеруді жүзеге асыруға міндетті. Сондай-ақ, кепілдемелік сервистік қызмет көрсетуді қамтамасыз ету міндеті жүктелген. Алайда, бастапқы тексеру және кепілдемелік қызмет көрсету қызметтерін атқармай отырған үшін сатушыны «Тараз Транс энерго» тарапы сотқа берген. Сот шешімімен «Казпромэлектросервис» серіктестігіне 435 дана ЖҮЕА кезекті метрологиялық тексеруді жүзеге асыруды міндеттеу жүктелген.

Ал, өткен жылдың желтоқсанында бұрын орнатылған 29 ЖҮЕА тексеру мерзімі өтті. Осыған байланысты, Тараз қаласының көппәтерлі тұрғын үйлерінің тұрғындарынан есептеуіш аспаптарының көрсетілімдері есепке алынбай, жалпы алаң бойынша жылумен жабдықтау қызметтері үшін ұсынылған шоттарға қатысты тұрғындар тарапынан көптеген шағымдар келіп түскен. Мәселені шешу үшін жауаптылармен бірге жиналыс өткізілді. Қорытындысы бойынша, «Таразэнергоорталығына» ақпан айынан бастап жылыту маусымы аяқталғанға дейін тұтынылатын қызметтің есеп шоттары есептегіш аспаптардың көрсеткіштері бойынша ұсыну тапсырылды. Айта кету керек, жылыту маусымы аяқталғаннан кейін келесі жылыту маусымы басталғанға дейін бұрын орнатылған барлық 229 ЖҮЕА тексеруден өткізу жұмыстары жүргізілетін болады.

Байланыстар

Телефон: 8 (726) 234-35-87 (приемная)
Телефон: 8 (726)2-34-37-28 (диспетчер)
Почта: taraztrans1@mail.ru
Мекен-жайы: Исатай көшесі 8А
Жұмыс уақыты
8:30 - 17:30 ДС - ЖМ